Krisborrel in de Loungebar van Foroxity wobie auch de aansjtaonde Hoogheid Prins Nick II waar oetgeneudigd.
Op dees foto mit ’t besjtuur van de Senaat wurt Nick vergezeld door zien vriendin, auwwesj, Vorst Marot Joep, Mia en Sjra Derrez.
Senatore en dames.
Op zóndig 24 juli is veur den eesjte keer saer 2018 weier vogelsjeite.
Keuning Tjeu de Heus en keuningin Beppy höbbe alles der aan gedaon óm dit ein sjoon fees te make. Waat neemes verwach en waat toch gebeurt: ózze nuuje prizzedènt Louis wurd ouch ózze nuuje keuning.
Op gounsdig 7 september is ’t Ardennereiske. Boek, Jack en Piet höbbe ein sjoon pregram ineingesjteveld. Veer beginne mit eine mörgeskaffe bie Watersley, prima verzörg, wobie aan ’t èndj den heer Joop Petit vanallles vertèlt euver zien insjpanninge óm van dit complex ein sjportcomplex te make, dat internasjonaal wurd érkènd. Daonao gaon veer nao Haele en kriege dao ein róndjleijing en bezuike ein tentoonsjtèlling. Ouch bezuike veer in Sjènne ‘t nuu centrum van Alfa broewerie en sjloete aaf in Merkelbaek mit ein fantastisch diner.
Here, bedank.
Op vriedig 23 september geit ’t weier richting Elzas. Ger Pfennings is de grote man achter dees reizen en dat al bekans twintig jaor langk.
Geneite, pruive, lekker aete en mit väöl flessje wien richting Zitterd.
Op 20 oktober zeen drie nuu senatore geïnsjtalleierd, nl. de here Jan Janssen, Ray Eikelboom en Frits van Beek. Dit gebeurde op ’t naojaorsfees in de Roosterhoeve in aanwezigheid van 80 luuj.
Veurjaors- en insjtallasiefees – 27 meert 2022
In november koosj ’t neit doorgaon, mèr noe eindelik waal. Meer dan 70 persone hawwe zich aangemèldj veur dit feeske bie George’s. Eine kleinere gróp góng zelfs veuraaf mit de Kolleberg op veur ’t Krombroodrape. Leuk óm dit weier mit te mage make.
Nao veir oer waar jederein in de feeszaal aanwezig en woorte de nuu senatore, Roger Binten en Geert Kessels, geïnsjtalleierd. Nao ein krèftig Hoog ’t Rood, Gael en Gruin, woorte zie gefilleseteierd door alle senatore en dames.
Ouch woort deze daag wie gebroekelik ’t sjilderie aan de awd-sjtadsprins Thierry I aangebao. Sjilder Jan Ruigt haw der weier gèt sjoons van gemaak.
Senator Cor Baltis vertelde nog euver zien – same mit Ari Jansberg en Piet Deeder – twee keer 11 jaorig lidmaatsjap van de Senaat.
Tot sjlot woort preezedent Jack van Oorschot door de vice-preezedent gedekoreierd mit ein zilvere sjpang vanwaege zien verdeinste veur de senaat. Nao bekans 21 jaore geit oppe veurjaorsvergadering van 24 mei 2022 de veurzittesjhamer nao zien opvolger Louis Vahsen.
Veer kieke trök op eine sjone en gesjlaagde daag en jederein góng mit ein goud gevuil op hoes aan. Zeker és me dan te heure krig van eine senator dat zien riebewies weier veur 5 jaor is verlengd en deze senator 94 jaor jónk is!!!
Ardennereiske 2021
Op gounsdig 8 september zeen ein aantal senatore weier op paad gegange.
Jack van Oorschot en Piet Deeder hawwe ein sjoon pregram ineingesjtéveld.
Veer begoosjte mit eine lekkere mörgeskaffe bie retaurant Schrage oppe mèrt.
Daonao vertrókke veer nao abdij Lilbosch, wo veer ein róndjleiding krege van eine gooie gids, Piet Fincken. Hae vertelde ós alles euver de cisterciënser monniken, die dao wonen.
Natuurlik krege veer nao ein godsdienstige oetlèk ouch van alles te heure, te zeen en te ruuke euver de Livar-vèrkes, die naeve de abdij verblieve en wovan ‘t vleisj in de abdijwinkel wurd verkoch.
De lunch woor op ‘t golfterrein Hommelheide in Zöstere en toen koum den aafsjlaag. Veer krege golflès en nao ein tiedje bleek dat sommige senatore der al goud op los sjloge.
Veur de lèste bezichtiging zeen veer nao Baek gegange en höbbe in ‘t Elsmuseum ein róndjleiding mit oetlèk gekrege. Ouch natuurlik gepruif🍸🙂
De aafsjloeting waar bie G7 bie ‘t Gruuzekirkske, wo veer höbbe genaote van ein veurtreffelik diner.
Jack en Piet, bedank veur deze sjone daag.
In Memoriam
“Das waren Zeiten”
Aafgeloupe vriedig, 16 juli, bereikde mich ’t berich dat senator Ger Ruijters op90-jaorige laeftied in Mestreich is gesjtórve.
Ger waor dit jaor 50 jaor lid en bertrokke bie de oprichting van ooze vereiniging in 1971.
Hae waor eine senator dae neit oppe veurgróndj sjtóng, mer hae waor waal eemes woveer op koosjte raekene; Ger gouf ummer ziene sjteun es dat van höm woort verwach en es veer ein beroup op hóm deige waor dat noojts tevergaefs.
De letste jaore zouge veer Ger & Marie-Jeanne regelmaotig op ’t naojaorsfees.Bie ’t aafsjloete van de jaorlikse Ardennereis in september zout hae gaer mit ós aantaofel óm de belaevenisse van de daag mit te make.
De letste maonje gòng ’t mit de gezòndjheid van Ger neit goud.‘T enj van zien sjoon laeve waor in zich, mer desóndank kump ’t berich van sjterve toch nog umnmer ónverwachs.
Veer wunsje Marie-Jeanne, de kènjer en de femieje vööl sjterkte en haope dat de
sjoon herinneringe aan zien laeve ein grote sjteun zal zeen.
De herdènkingsdeins is zaoterdigmörge 24 juli in Puth en daonao zal Ger begrave
waere op ’t plaatsjelikke kirkef.
Naames ’t besjtuur van de Senaat van de Marotte Zitterd,
Jack van Oorschot
-preezedent-
20 juli 2021.
Theo Gelissen
Op zaterdag 13 februari 2021 overleed Theo in zijn slaap, 80 jaar oud.
Hij was sinds 1991 lid van de Senaat Marotte Zitterd en samen met zijn echtgenote waren zij altijd aanwezig bij activiteiten van de Senaat.
Ook ontbrak Theo nooit op de maandelijkse borrel.
Elk jaar verheugde hij zich op de Elzasreis, die medesenator Ger Pfennings organiseerde.
Groot plezier heeft hij beleefd aan het feit dat hij de eerste schutterskoning werd in de tuin van toenmalig president Jean Willems en dit feit tot twee keer toe wist te herhalen. Bij hem thuis werd ook een schuttersfeest gehouden.
Theo was een open en hartelijke man, met wie het goed toeven was.
Twee jaar geleden overleed zijn echtgenote Henriëtte en dit heeft hem tot in het diepste van zijn ziel geraakt. Hij werd nooit meer de oude Theo, ook al kwam hij na verloop van tijd weer naar activiteiten van de Senaat.
Moge hij rusten in vrede.
Bestuur van de Senaat van de Marotte Zitterd
In Foroxity woort weier de nuujaorsresepsie gehawte en väöl senatore ware derbie. De nuuje sjtadsprins Thierry I en de nuuje Vors Marot Jan I höbbe ós alle gouds gewunsj veur dit kómmend jaor en Ivo Rosbeek haet gezörg veur leuk ammuzemènt met sjone meziek.
Eine grop senatore geit deze daag beginne mit eine mörgeskaffe bie Van de Valk in Urmond. Daonao wurd ein bezuik gebrach aan vleiveldj Baek en aan Rolduc. Aafgesjlaote wurd mit ein diner in Merkelbaek.
Wie gebroekelik de lètste jaore haet Ed van den Ende ein aantal senatore en dames róndjgeleid door en óm Ziterd haer. Dit jaor is me terech gekómme in Munstergelaen en haet de wien van dao gepruif. Eine sjone daag mit eine lekkere “kiek in ’t glaeske”.
Veer wiste toen neit dat dit de lètste keer zou zeen dat Ed ós haet vertèld euver Zitterd, zien gesjiedenis en natuur. Op 15 november, einen daag veur ziene 82ste verjaordaag is hae gesjtórve. Ed, names ós alleneij, bedank.
Op zondagmiddag 19 januari 2020 vond de prinsenreceptie plaats van stadsprins Thierry I in het Forum. Vanaf 2011 wordt deze receptie aangeboden en verzorgd door de Vereniging Senaat van De Marotte. Dit jaar dus voor de tiende keer in successie. Het was weer heel druk en gezellig. Het volgend jaar dus voor de elfde keer!
Fotograaf Arjan Krijntjens heeft de groep senatoren, die op deze zondag actief waren om alles in goede banen te leiden, op de gevoelige plaat vastgelegd. We zien: v.l.n.r.: Michel Janssen, Fred Evers, Jos Offermans, Rob Tonglet, Jos Dieteren, Harry Strijkers, Ton Vandenbergh, Fons Alberts, Jack van Oorschot, stadsprins Thierry I, Constant Custers, Paul Gijsen, Phil Schaeken, Ger Meijers, Cor Baltis, Arndt Dieteren, Piet Deeder, Patrick Werdens en Louis Vahsen. Niet zichtbaar is Tim Gielens die zich achter Jack van Oorschot heeft verscholen.
